شربل نحّاس مطلقًا الكلمة السياسية للائحة كلنا وطني في المتن، اليوم الأربعاء 4 نيسان عند نهر الموت :
نحن مش بكرنفال انتخابي. نحن بمواجهة. بمواجهة زعماء الطوايف. بمواجهة مندوبي الدول الاجنبية. بواجهة الاحزاب الدينية. بمواجهة زعما المحاصصة بكل لبنان.
بمواجهة العونيين؟ يلي وقفوا ضدّ الميليشيات وضد الطائفية وضد استباحة المال العام وضد ابراء يلي سرقوه وقالو انو ابراء مستحيل؟ أكيد لأ.
بس ضد جبران باسيل يلي رشح سركيس سركيس هون ورشح أبو رخوصة هونيك وتحالف مع الجماعة الإسلامية ومع تيّار المستقبل.(Sarkis Sarkis live on our street and we and he never paid us a visit)
بمواجهة الكتائبيين؟ يلي وقفوا ضد الانتداب الفرنساوي ليتحقق استقلال البلد؟ أكيد لأ.
This sectarian right-wing Phalanges party invited the Syrian in during Lebanon civil war and also invited Israel to occupy Beirut in order to kick out the Palestinians
( ( Wrong. the Phalanges party was created by the mandated French power(
بس ضد سامي الجميل يلي عند أول صوفيرة ركض عالسعودية ومتلو القواتية يلي متحالف معن هون ومتواجه معن هوينك.
بمواجهة القوميين؟ يلي اغتيل الزعيم أنطون سعادة لأنو بدو يوحّد المجتمع ويرجعلو عزتو؟ أكيد لأ.
(The leader Antoun Saadeh was executed summarily in 1948 within 24 of being apprehended in Damascus)
بس ضد أسعد حردان يلي اجا يرشّح فادي عبود : عدو الأجراء وحقوقن، والياس بو صعب : شريك الأمراء وأميركا.
بمواجهة ميشال المرّ؟ يلّي تحكّم يالمتن لأنو تعمشق عالسلطة شو ما كان جنسا وتكبّش فيا وجيّرها تيبني دولتو بالمتن، واليوم اجو الطامحين الجدد للسلطة سحبو البساط من تحت اجريه، فتركوه أزلامو وأصحابو وصار فيه متل ما عمل بغيرو من قبل؟ كمان لأ، لأن مش هوايتنا التشفّي.
هودي مختلفين مع بعضن؟
بالظاهر اي وضجة اختلفاتن عالية وكبّ المصاري من فج وغميق. مختلفين عالحصص وعالوجاهة بحسب رهانات وتعمليمات معلمينن، بس متفقين عليكن تيضلوا متسلطين وتضلوا يأسانين.
نحن مختلفين عنن وانتو مختلفين عنن. همومكن ما بتعنيلن شي.
نحن خطابنا واحد وين ما كان وتجربتنا بتثبت انو يلي منقولو منعملو. وانّا مش متمسكين بالموقع بس متمسكين بالموقف. ولكل واحد من ناخبي المتن شو ما كان تاريخو منقول : انو يلي بيميز أهل المتن تنوعن السياسي، انّما ايضًا قدرتن انن يحفظوا الجيرة.
وأهم شي انن عندن الجرأة انو لما بيشوفوا الحق بيوقفوا حدو. نحن جايين تيصير بلبنان دولة عنجد، دولة مدنية، عادلة ديمقراطية، وقادرة. وكلنا وطني. .#كلنا_وطني #المتن #انتخابات_2018
Note: In the electoral district of North Metn there are already 5 lists of candidates. This new election law that somehow disposed of the roller method (al ma7dalleh) is throwing some havoc in the selection of candidates to form a complete lists. We can only vote for a list and not pick a choose whom we want. And we can select a preferred candidate within only the list we voted for.
Adonis Diaries 