Adonis Diaries

Another attempt at romanticizing the past life-styles

Posted on: October 22, 2018

Another attempt at romanticizing the past life-styles

How people in the Near-East conducted their daily habits and chores

الماضي الجميل ..
حمارة مربوطة بعامود الكهربا الخشب عا مدخل الدار ….
وبوابة عتيقة خشبها مشقق وقفلها مصدّي …
وبتفتحها بتزيزأ وبينكسر الصمت…

بتدخل عالدار وبتعبق ريحة الحطب الوالع بالموقدة ..
وبتفّح ريحة صابون البرش من اللّكَن الطافح بالغسيل والمي دارجة مع رغوة الصابون من حدّ شمالة حطب الزيتون بتاخد معها الاوراق اليابسة …..


وعايمينك بالارض شويّة بامية يابسة وبلاطة لحمة بجنب البركة مغسولة …
ومنجل معلّق بمسمار بالحيط …
وشاكوش …وبلطة …وأدّوم …


وكيس جنفَيْص مخيّط بالمسلّة داخلو مقّص نصب ووعيسيّة لتطعيم الزيتون
وشروال اسود منشور عاسلّم خشب قديم ملئي عا حيط مورّق بالطين …
ومِدّ لكيل القمح والزيتون والسميد..

.
وبالزاوية عدّة لشك الدخّان …
واوضة البقرات عامدخلها فدّان الفلاحة ..
السكّة ..والنير….
واوضة القعدة فيها حصيرة واربع مساند وطراحة …

وبتدخل لجوّا بتلاقي اللّحف والفرش والشراشف فوق بعضها مغطايين بشرشف ابيض …
وخزانة خشب قديمة ….
بتعبق منها ريحة الزمن …

وحيطان من حجارة الكدّان مورّأة بالطين …
وقنديل كاز مضوّي نورو ساحر.. ..
وروائح الزعتر اليابس واليانسون والزوفا والسميد والسمّاء بتدغدغ روحك …..

وارض الدار مورأّة روبة ناعمة …
وبتندهلك يلّا عالغدا …
كبة بطاطا .. وصحن كموّنة …وجاط بطاطا مقليّة ..

مع سلطة سِمّاء ..وكباية لبن ..وصحن زعتر دأّة …
وطاسة بليلة ..وصطفة خبز مرقوق …
وبعد الغدا بتطلع عالسطح عادرج معمّر من حجارة كدّان مورّأة جوانبها وبتشرب كبّاية شاي وبتتلئّح عالحصيرة والهوا بيلعب لعب تحت خيمة العريشة وبتغفل وما بيعود فيك تفتّح عيونك …

آخ يا زمن آخ يا ريت بيرجع الزمن الماضي وما بدنا لا مصاري ولا تطوٌر ولا شحار….
أبقوا ميلوا بالسهرة عاكبية شاي عالحطب 🌹صباح الخير..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

adonis49

adonis49

adonis49

Blog Stats

  • 1,485,284 hits

Enter your email address to subscribe to this blog and receive notifications of new posts by email.adonisbouh@gmail.com

Join 816 other followers

%d bloggers like this: