Adonis Diaries

Archive for July 6th, 2021

How the Lebanese is transformed when he immigrate?

لكل واحد راكض يضب “الشنطة” و يفل Good luck
بوعدك ببلاد الغربة اذا ما مشي حالك، بيمشي حال ولادك. مش لأنو برا رح يعطيك اكتر من لبنان، لأنو انت رح تعطي برا كل شي ما عطيتو للبنان.
برا ، رح تبطل طائفي. رح تصير فجأة ( سبحان الله) منفتح و حضاري. يمكن نشوفك بثورة عم تنادي بالمساواة الاجتماعية. هون، ما إلك جلادة تنزل كرمال وطنك، مستقبلك، كرمال الحق و ضد الباطل، بس إلك جلادة تنذل كرمال الطايفة و كرمال الزعيم.
ببلاد برا، رح نشوفك منتظم و شغيل. يمكن تشتغل ١٢ ساعة ( مش يمكن، أكيد) و تحترم ال deadlines, و ما تطفنطز عالشغل.
ببلاد برا، رح تشتري الخيار و البندورة بالحبة، و عقلبك متل العسل.
ببلاد برا رح تدفع آجار بيت ( نص معاشك)، و بساطك رح تمدو عاقدّ إجريك، انت و عامل حالك مبسوط.
ببلاد برا رح تعطي أفضل ما عندك، و رح تلاقي.
و انا اكيد ، بس ترجع علبنان، و تغط الطيارة بمطار بيروت، رح تشلح بلاد برا و تلبس الطايفة و الزعيم.
شفناك و جربناك. ( أكيد بلا تعميم)
بس للتذكير، شي نهار اذا ضربك الحنين ببلاد برا، تذكر انو نحنا كم مليون، حاكمنا كم واحد. و تذكر، انو لو يلي هاجرو نزلو عالثورة الحقيقية، مش الإنتاج البوليوودي يللي عم نشوفو عالشاشات، كان لبنان مش متل بلاد برا، كان أحلى بكتير.
لبنان مش أوتيل، لبنان مش مخمرة، لبنان مش دعارة و فساد.
لبنان متل ما قال وديع الصافي ” قطعة سما” بس حكامو شياطين، و شعبو يا مندار، يا منهار.
لو لبنان بيحكي كان قلكم: ” الله يسامحكم!”


adonis49

adonis49

adonis49

July 2021
M T W T F S S
 1234
567891011
12131415161718
19202122232425
262728293031  

Blog Stats

  • 1,479,664 hits

Enter your email address to subscribe to this blog and receive notifications of new posts by email.adonisbouh@gmail.com

Join 812 other followers

%d bloggers like this: