Archive for June 20th, 2022
Toni Keyrouz on FB
المهام المختلفة” للأيد”
أنواع اليدين باللهجة اللبنانية:
إيدو بيضا: يعني صاحب فضل وخير ومعروف
إيدو ماسكة: بخيل
إيدو خضرا: يزرع وتثمر زريعته
إيدو طايلة: بيقدر يعمل أشياء كبيرة
إيدو واصلة: واسطة قوية
إيدو طويلة: يؤذي من حوله
إيدو خفيفة: حرامي أو شاطر
إيدو مفتوحة: مبذر، مسرف
إيدو مالحة: بيخرب كل شي بيمسكه
إيدو ع قلبه: بيخاف كتير
إيدو والكف: عصبي، ما فيك تتفاهم معو
إيدي بحلقه: صارف عليه وعازمه ألف مرة
إيدي بزنارك: أطلب مساعدتك
إيد من ورا وايد من قدام: مفلس وما معه شيء
جاية يلولح بايديه: راجع مش جايب معو شي
إيدك وما تعطيك: تهديد، إِلّلي بيطلع بإيدك ساويه
على حطة إيدك: مثل ما أنا لا تغيير
يلي إيده بالمي مش مثل يلي إيده بالنار: مش هكلان همي وما بيعرف الوجع الا صاحبو
ماسكه من إيده الّلي بتوجعه: ماسك عليه ممسك
إيدي عراسك: يعني احلف بدون كذب
بالاضافة
لا من ايدو ولامن اجرو= فارط
Adonis Diaries 