Adonis Diaries

Hanna Farhat posted on Fb what Amira Houmani published in 1974

Two children Lullabies are posted for the time being: 3al Houwara and طاق طاق طاقية

بدي أعرفكم اليوم على أديبة أميرة إسمها “أميرة الحوماني”جنوبية من “حاروف“.

التقينا عام 1974 في مكتبة “راس بيروت”.تعارفنا,تصادقنا,وتبادلنا المؤلفات..وكانت هديتها الثمينة الرائعة “هيك غنينا“.

مؤلفين صغار يحتويان على كلمات أغاني الأطفال ونوتاتها الموسيقية,ومعظمها كانت أمهاتنا وجداتنا تردده لنا أثناء النوم..ولقد غنت فيروز بعضها بينها”يللا تنام ريما..”

يقول الأديب الكبير سعيد عقل في مقدمة الكتاب: “أميرة الحوماني ما هي على الفن بدخيلة..وما أبوها بالشاعر الكبير وكفى.انه أحد من غنى له الجمال,ومن أجله حفزوا الكلمة الى تبرّج.

أما الاميرة في أغاني الطفولة,ليست أميرة إلا كإسمها..أذنها ساحت في كل مخابىء الذوق في لبنان,ومن كل القرى المعلّقة عند الغمام”لقوطت”أغاني كقطع السكر,

عليها عاش الفرح الطفولي وماد سهل وجبل…”

:أغنية “عالهوارة”كما كانت تغنى في الماضي:

عالهوارة الهوارة بيي جبلي إسوارة

وجبلي قبقاب محصّص خبّيتو بالكوارة

عالهوارة يا ذلّي نزلنا نحوّش ونملّي

حملت المنشل والسلّي كسرت المنشل يا خسارة

عالهوارة يا نورا مشّي نرعى القرقورة

عم بتقلّي العصفورة رعوها ب هيك الحارة

عالهوارة يا خيّي بدّي أهديك هديّي

كعكة عملتا بإيديّي وعملتلّك طيارة

ملاحظة من أميرة: كان هذا النوع من الفولكلور يردد هكذا:

عالهوارة الهوارة محرمتين وطيارة

ثم نُقِّح ووسع وطور الى هكذا…

من “اميرة الحوماني” ..هيك غنينا..!

The second lullaby is طاق طاق طاقية

“طاق طاقية”:عبارة كانت وما تزال تردد مع لعبة تلخَّص في ان ينتظم الأطفال دائرة يدور حولها طفل يحمل منديلاً ليردد : “طاق طاق طاقية” ثم ليجيبه الآخرون : “رن رن يا جرس”,وه

كذا حتى يتمكن من إستغفال أحدهم ورمي المنديل خلفه ,ثم متابعة دورته الى نهايتها,

فإن أحسّ بذلك إختطف المنديل وبدأ نفس الدور وإلا فهو مخطىْ ومغفّل..

طاق طاق طاقية رن رن يا جرس

رن وقوّي كتير وفيِّق ناس كتير

رن

عبكرة بكير

فيّق بابا وقلّو تا ينزل ع شغلو

يجيب مصاري كتير

والمصروف كبير

رن

عبكره بكير

فيّق ماما وقلا تا تصحى لشغلا

عندا شغل كتير

تنظيف وتحضير

رن

عبكرة بكير

ولأخواتي قلّن ولرفقاتي قلن

عبكرة بكير

الدرس حلو كتير

رن

عبكرة بكير…

صباح الطفولة البريئة !

حنا حبيب فرحة

8/10/2022

صباح الخير