Ahmad Fouad Najem poem
Posted on: March 1, 2023
احمد فؤاد نجم ” الفاجومي ” Ahmad Fouad Najem poem
Gamal Elshëhy posted on Fb
مداح و غاوى أقول غناوى
عـ الليل و سهده و العاشقين
و الغنوة ديَّا ندراً عليَّا
لاجل ام هاشم و الندر دين
بنت الكرام يا سيدة
أنا عـ الدفوف أنشد و اطوف
بس القبول يا سيدة
نور الجلالة زي البشاير
فارد ستايره فوق المقام
و صفوف ملايكة شايلين مزاهر
يدقوا بيها لحن السلام
نشرين جناح يا سيدة
حب و سماح يا منجدة
عـ المسلمين الطيبين
أهل السماح أهل الرضا يا سيدة
من بحر جدك
شربوا الصحابة
و اهل البصيرة
و الواصلين
و بحرك انتِ يروي الغلابة
يا ام العواجز المحرومين
أنا قلبي هام يا سيدة
حول المقام يا منجدة
و بيستجير هو المجير
هِزِّي الهلال ساعة رضا
انا عندكو أنشد و أقول
هزي الهلال ساعة رضا يا سيدة
السيدة زينب
أحمد فؤاد نجم
https://m.facebook.com/groups/114578338614786/permalink/6044466228959271/?mibextid=Nif5oz
Adonis Diaries 
Leave a Reply