Pretty sure that was the survival daily inventions before electricity: The namliyyeh
Posted on: March 8, 2023
Note: There is a program on a TV channel called Namliyyeh and the presenter go around tasting other people old fashion food preparation and He love everything he taste.
قديش كنا أغنياء لما كنا محسوبين على الفقراء
كنت تلاقي بكل بيت اختراع اسمه ( نملية ) عبارة عن أربع رفوف
البيت الفقير المنتوف بتلاقي عنده 5 أنواع حواضر (نواشف) لزوم عدة الفطور غير الأجبان والألبان يلي بالبراد !
جنب هل النملية بتلاقي 5 رفوف مخصصين للمونة السنوية رف لمطربانات الجبنة ورف للمخللات ورف للسمنة والزيت وتحت بالسفل خاص بالزيتون الأسود والأخضر مشكلين طبعاً شي من الساحل وشي من حلب وشي من ادلب غير مربيات الغوطة
بعدين بتلاقي مدقوق على الحيط مسامير وحبال شي لخيشة البصل يلي كان حقها كاملة ٥٠ ورقة وحبل الثوم وحبل للبامية اليابسة وحبل لكيس الخام يلي فيه الملوخية اليابسة!!
ياجماعة أنا مالي عم أحكي عن بيت واحد زنكيل مريش ؟!
عم أحكي عن غالبية بيوت السوريين هي ماحكينا عن صفقات التبادل بين بيوت الحارة وبيوت الضيعة وبيوت القرى
تعا حمودة روح عند خالتك أم فراس قلها بتسلم عليكي أمي عطينا كيس بزالية من عندك وهي كيس فول بداله
كنت تدق على باب جارك تقلوا عيرنا من عندك حبة بندورة ورغيفين خبز يفوت يسحب ربطة من التلاجة وينقيلك من فلينة البندورة 4 -5 حبات متل المراية ويحلف عليك مليون يمين مابيرجعوا !!!
بتتذكروها لهديك الأيام يلي كنا نقول على حالنا نحنا عيشتنا عيشة دراويش ؟
يسعد اوقاتكم من أيام زمان والماضي بس مو كتير بس شغلة 12 إلى 13 سنة
Adonis Diaries 
Leave a Reply