Adonis Diaries

Posts Tagged ‘fasaad

Why Hating the wrong party who did Not practice Fassaad?

Hezbollah and the Tayyar movement of the current President Michel Aoun were Not involved in the major looting of the budgets since 1993 and spreading fasaad in all institutions.
Why the militia/mafia leaders are doing their best to heaap their highway robbing activities on those who were Not part of their political “power”?

مبارح كنت سهران مع جاري ، شاب ابن بيت ومهذب وخلوق ، بس مشكلته انه لما بده يقوّص بيرمي رشقي وعشوائي!!
خبرني عن غضبه لما شاف تغريدة شاب ابوه مسؤول بتنظيم حزب ألله ومن صورة نائب سابق عن حزب ألله ومن تصريح او موقف لنائب حالي بحزب ألله!!

كره التنظيم وكره المقاومة وكره الطايفة وكره حاله ( يمكن معذور وما بينلام)
ولأني بحبه زدته من الشعر بيت ، وخبرته عن مشاهداتي كمان:

شوف يا صاحبي …انا بيوم من الايام وقبل مواقع التواصل شفت زلمي وصله خبر استشهاد ابنه الصبح ، نعاه المغرب عن منبر وهو واقف متل الجبل ، هالزلمي مش فاسد ، ومش عم يقود تنظيم فاسد ، هالزلمي اسمه حسن عبدالكريم نصرألله


انا شفت عدوي سنة ٢٠٠٠ منسحب وخايف بسبب حزب ألله المش فاسد


شفت سنة ٢٠٠٦ الفاسدين (اللبناني قبل الغريب) اجتمعوا ليكسروا حزب ألله المش فاسد
شفت ورقة ببيت اهلي فيها اعتذار من شباب المقاومة لأنهم اضطروا يخلعوا الباب ليتخبوا داخله من طيارة استطلاع عم تلاحقهم بآب ٢٠٠٦ ، هالشباب مش فاسدين


شفت ام عم تضب شنطة ابنها يللي يمكن ما يرجع من الجرود ، الإبن مش فساد والام طاهرة
شفت بنت عبطت ابوها وودعته الوداع الاخير قبل هجوم الزبداني ، هالأب ما كان فاسد والبنت بريئة
شفت جثة اندفنت بلا راس
شفت راس رجع وحده بلا جثة


شفت جريح مقعد
شفت جريح ضرير
شفت اكتر من الفين نعش مارقين بالضيع والقُرى

شفت كتير كرمال احكيك هالكلمتين وكرمال تطلع تجمع كام لايك على حساب مهاجمتك لنهج طويل عريض ، وعجبك او ما عجبك بس هالنهج حماني وحماك ، يمكن انت ما طلبت الحماية ، بس للاسف لحماية ضهري لازم ضهرك كمان يكون محمي!!!

لأني بحبك حكيتك هالكلمتين ، ولو ما بحبك كنت ما رديت عليك ، لأن الحكي متل قلته من ال ٨٢ الناس عم تحكي لما كان التنظيم بالزاروبة ، هلق هالتنظيم وصل للفرات

ولأني بعرف معدنك و طهارتك ووجعك عم قلك صوّب منيح لما ترمي ، لأنك من حيث تدري او لا تدري عم ترمي على اهلك و اخواتك و ترمي حالك .

انت شفت شي طبيعي جدا و عملته فساد !! ماشي الحال ، بس قوّص على شخص لما يكون غلطان ، ما تقوّص على نهج ….حزب ألله مش شخص

سامع صوت هالطيارة؟؟ هيدي يمكن عندها هدف بمكان بسوريا ، على علمك ليش ما بتقصف هون بلبنان؟؟
بس تعرف ليش الطيارة بتخاف تقصف لبنان معناها بلشت تفكر صح


adonis49

adonis49

adonis49

August 2020
M T W T F S S
 12
3456789
10111213141516
17181920212223
24252627282930
31  

Blog Stats

  • 1,404,839 hits

Enter your email address to subscribe to this blog and receive notifications of new posts by email.adonisbouh@gmail.com

Join 755 other followers

%d bloggers like this: