Tell this Syrian soldier to come back. That he was Not slaughtered by Daesh lately
Posted on: October 20, 2025
البرغل بحمص أطيب
By ماجدة التيناوي (Majida Tinawi)
رغل بحمص… قولو للعسكري يرجع!
يمكن تكون هيدي القصة بوقتا تفصيل عابر.. مر عليي وماخطرلي أبدا أنه القصة رح تكون شي رح ابقى أبكي عليه بحرقة كلما تذكرتو!
وقتا حكيت لأهلي أنه سيارتي تعطلت.. والعسكري أنني بتاكسي مع رفقاتي.. وكان المهم يصلحولي السيارة!
بس القصة طلعت أنه السيارة تعطلت حتى يجي يوم ويقلي ربنا فيه.. هيدا البرغل بحمص هو الخير والباربيكيو وهم وكذب وخداع!
القصة أنه سيارتي تعطلت قريب من حاجز بالشام وجنيت أنا ورفقاتي ولكون صادقة معكن خجلت كتير قدام رفقاتي!
ماكنت بعرف أنه قلة انتماءنا لبلدنا ولفقرها الغني هو يلي بيخجل!
أصلا هلق أنا مابسترجي أطلع بالسيارة.. لأن الشوارع انسرقت.. والطرقات صارت كلا وسخ.. والباربيكيو خنق البلد وصارت ريحتو بتقرف.. ويلي قلي البرغل أطيب بيجوز يكون اندبح بسكين هو وأهلو كلن!!
القصة إني لما وقفت وبين إني ملبكة قرب لعنا عسكري.. طبعا مارح اوصفلكن منظرو
عرقان.. حاطط منشفة مبلولة ع كتافو.. الشمس كانت حدة كتير.. بس كان عم يبتسم
العسكري كان عم يأمن تاكسي لنمشي بين ماوصل حدن يسحب السيارة لأن نحنا تأخرنا
كنا عم ناكل شيبس وضيفناه.. بالزور قبل وهو عم يقلي مابحب هالاكلات
لما اكل حبة عمل حركة بتضحك وقلي:
ولك شو هادا ولو
ضحكنا.. قلتلو باربيكيو
عمل: هه.. البرغل بحمص أطيب!
كمان ضحكنا
مشينا ودعالنا
هيدا التفصيل بوقتا ماحكيتو لأهلي حتى!
فجأة صارت قصة البرغل هيي يلي تبكيني بقهر
صارت هيي كل الحكاية
أنا بس بدي قلكن أنا بنت الشام.. أنه بتمنى ادفع نص عمري لارجع شوف العسكري
وقلو:
منشفتك المبلولة فيا ريحة الوفا والأمان
والبرغل بحمص والللللللله أطيب شي بالكون
بس أمانة… أمانة أنكن ترجعوا
وأمانة أنك تكون بخير!
وسامحنا…
Adonis Diaries 
Leave a comment